🔵सिंधुदुर्गात राणेंना डोकेदुखी..अनेक निष्ठावंतांची “बंडखोरी”

कणकवली (प्रतिनिधी): सिंधुदुर्गात महायुतीला बंडखोरीचा फटका बसल्याचे चित्र आहे. जिल्हा परिषद आणि पंचायत समिती निवडणुकीसाठी उमेदवारी अर्ज दाखल करण्याच्या आजच्या शेवटच्या दिवशी भाजपमध्ये मोठ्या प्रमाणात बंडखोरी झाल्याचे दिसून येत आहे. खासदार नारायण राणे यांनी महायुतीची घोषणा केल्यानंतर भाजपच्या अनेक महत्त्वाच्या पदाधिकाऱ्यांनी राजीनामे दिले होते. त्यामुळे बंडखोरी होणार, हे आधीच स्पष्ट झाले होते.

त्याच पार्श्वभूमीवर आज कुडाळ, कणकवली, सावंतवाडी आणि वेंगुर्ला तालुक्यांमध्ये भाजपच्या पदाधिकाऱ्यांनी अपक्ष उमेदवारी अर्ज दाखल केले आहेत.

यामध्ये कुडाळ तालुक्यातील नेरूर, पावशी आणि माणगाव, वेंगुर्ला तालुक्यातील आडेली, कणकवलीतील हरकूळ, तसेच सावंतवाडीतील तळवडे येथे भाजपच्या पदाधिकाऱ्यांनी अपक्ष उमेदवारी अर्ज सादर केले आहेत.

तसेच कुडाळमधील पिंगुळी मतदारसंघात शिंदे गटाच्या शिवसेनेच्या तिघांनीही बंडखोरी केली आहे. त्यामुळे सिंधुदुर्गात महायुतीला मोठा दणका बसल्याचे पाहायला मिळत आहे.

▶सविस्तर बातमी लिंकवर 👇🏻 

  🎤सागर Wave न्यूज 🎤👇🏻

https://sagarwave.com

🪀 व्हाट्सअप ग्रुप जॉईन लिंक 🪀 👇🏻 

https://chat.whatsapp.com/GLUI6https://chat.whatsapp.com/GLUI6mjYZfeARsSectAexY

Youtube 👇🏻
https://www.youtube.com/channel/UCp4wREKEzO6OtiM–IRGMEA