🔵नागोठण्यात राष्ट्रवादीचे जोरदार शक्तिप्रदर्शन.. किशोरभाई जैन, समृद्धी कोळी ,नामी हंबीर यांचे अर्ज दाखल..!

नागोठणे (महेश पवार) : रायगड जिल्हा परिषदेच्या ३९ नागोठणे गटामधून राष्ट्रवादी काँग्रेसचे अधिकृत उमेदवार किशोरशेठ जैन आणि रोहा पंचायत समितीच्या ७८ नागोठणे गणातून नागरिकांचा मागास प्रवर्ग महिला राखीव जागेसाठी राष्ट्रवादीचे विभागीय अध्यक्ष संतोषभाई कोळी यांच्या पत्नी सौ. समृद्धी संतोष कोळी यांनी आपले नामनिर्देशनपत्र बुधवार दि.२१ जानेवारी रोजी  निवडणूक निर्णय अधिकारी ज्ञानेश्वर खुटवड यांच्याकडे दाखल केले. रोहा पंचायत समितीची ७९ सुकेळी गणासाठी आरक्षित आलेल्या अनुसूचित जमाती महिला जागेसाठी राष्ट्रवादी काँग्रेसकडून सौ. नामी महेंद्र हंबीर यांचा उमेदवारी अर्ज दाखल केला आहे. मात्र असे असले तरी सुकेळीची ही जागा राष्ट्रवादीकडून मित्रपक्ष भाजपला सोडणार असल्याची चर्चा असून तसे झाल्यास राष्ट्रवादी काँग्रेस आणि भाजपची युती होण्याची दाट शक्यता निर्माण झाली आहे. 

राष्ट्रवादी काँग्रेसच्या या उमेदवारांचे उमेदवारी अर्ज दाखल करतेवेळी राष्ट्रवादीचे नेते नरेंद्रशेठ जैन, भाई टके, शिवरामभाऊ शिंदे, सदानंद गायकर, मधुकर ठमके, विलास चौलकर, संजय भोसले,  नागोठण्याच्या सरपंच सुप्रिया महाडिक, डॉ. मिलिंद धात्रक, राष्ट्रवादीचे विभागीय अध्यक्ष संतोष कोळी, शहर अध्यक्ष बाळासाहेब टके आदींसह शहर व विभागातील कार्यकर्ते मोठ्या संख्येने उपस्थित होते.

रोहा येथे जाण्यापूर्वी राष्ट्रवादीचे उमेदवार किशोरशेठ जैन, समृद्धी कोळी व नामी हंबीर यांनी नागोठण्याची ग्रामदेवता श्री जोगेश्वरी मातेचे सकाळी ११ वाजता दर्शन घेऊन गांधी चौक, खुमाचा नाका, छ. शिवाजी महाराज बाजारपेठ मार्गे तिन्ही उमेदवारांची वाजत गाजत भव्य रॅली काढण्यात आली. त्यानंतर छ. शिवाजी महाराज चौकात असलेल्या शिवस्मारकाचे उमेदवारांनी दर्शन घेतले. नंतर रोहाकडे रवाना झालेल्या वाहनांच्या प्रचंड मोठ्या ताफ्यासह हजारोंच्या संख्येने उपस्थित कार्यकर्त्यांच्या साथीने शक्तिप्रदर्शन करीत किशोरशेठ जैन, समृद्धी कोळी व नामी हंबीर यांनी आपले उमेदवारी अर्ज दाखल केले.  उमेदवारांचे नामनिर्देशन अर्ज भरण्यासाठी असलेला वाहनांचा प्रचंड ताफा पाहून राष्ट्रवादीच्या उमेदवारांचा विजय आत्ताच निश्चित झाल्याचे बोलले जात आहे.

▶सविस्तर बातमी लिंकवर 👇🏻 

  🎤सागर Wave न्यूज 🎤👇🏻

https://sagarwave.com

🪀 व्हाट्सअप ग्रुप जॉईन लिंक 🪀 👇🏻 

https://chat.whatsapp.com/GLUI6https://chat.whatsapp.com/GLUI6mjYZfeARsSectAexY