मुंबई : महाराष्ट्राचे उपमुख्यमंत्री एकनाथ शिंदे आज अचानक दिल्ली दौऱ्यावर रवाना झाले आहेत.त्यांच्या या दौऱ्यामुळे राज्याच्या राजकीय वर्तुळात पुन्हा एकदा चर्चांना उधाण आले आहे.उपमुख्यमंत्री एकनाथ शिंदे हे मुंबईहून थेट दिल्लीला रवाना झाल्याची माहिती सूत्रांकडून मिळाली आहे. शिंदे यांच्या या दिल्ली दौऱ्याचे नेमके कारण अद्याप समोर आलेले नाही. त्यांचा हा दौरा गोपनीय ठेवण्यात आला असून त्याबाबत कमालीची गुप्तता पाळली जात आहे.दिल्लीत पोहचल्यानंतर उपमुख्यमंत्री भाजपच्या वरिष्ठ केंद्रीय नेत्यांची भेट घेण्याची शक्यता वर्तवण्यात येत आहे.राज्यातील आगामी राजकीय घडामोडी किंवा प्रलंबित मुद्द्यांवर चर्चा करण्यासाठी हा दौरा असल्याचे बोलले जात आहे. मात्र, शिंदे यांच्या या दिल्ली दौऱ्याचे अधिकृत कारण अद्याप गुलदस्त्यातच आहे.
