दापोली :- तायक्वांदो या क्रीडा प्रकारात शिस्त, मेहनत, आत्मविश्वास आणि सातत्यपूर्ण सरावाच्या जोरावर दापोली येथील कु.आदिशा संदीप केळकर हिने उल्लेखनीय यश संपादन केले आहे. तिला तायक्वांदो ग्रीन बेल्ट फर्स्ट बॅड प्राप्त झाला आहे. तिच्या या यशाबद्दल कुटुंबीय, मित्रपरिवार तसेच क्रीडाप्रेमींकडून तिचे अभिनंदन करण्यात येत आहे.
लहान वयातच तायक्वांदोचे प्रशिक्षण घेत आदिशाने या खेळातील विविध तंत्रे आत्मसात करण्यासाठी नियमित सराव आणि मेहनत घेतली. तायक्वांदोमुळे शारीरिक तंदुरुस्तीबरोबरच एकाग्रता, आत्मसंयम, शिस्त आणि आत्मविश्वास वाढण्यास मोठी मदत होते. या गुणांचा उपयोग करत आदिशाने आपल्या कामगिरीत सातत्य राखत ग्रीन बेल्ट फर्स्ट बॅडचा टप्पा गाठला आहे.
तायक्वांदोमध्ये प्रत्येक बेल्ट हा खेळाडूच्या मेहनतीचा, कौशल्याचा आणि प्रगतीचा महत्त्वाचा टप्पा मानला जातो. आदिशाने मिळवलेले हे यश तिच्या मेहनतीचे आणि जिद्दीचे प्रतीक आहे. भविष्यात तायक्वांदो क्षेत्रात आणखी उत्तुंग कामगिरी करण्यासाठी ती निश्चितच प्रयत्नशील राहील, असा विश्वास व्यक्त केला जात आहे.
“शिस्त, मेहनत आणि आत्मविश्वास हाच खरा विजयाचा मार्ग” या संदेशाला सार्थ ठरवत कु.आदिशा केळकर हिने मिळवलेले हे यश इतर विद्यार्थ्यांसाठीही प्रेरणादायी ठरत आहे.