मंडणगड : मंडणगड नगरपंचायतीमध्ये CLTC म्हणून कार्यरत असलेले विक्रांत चव्हाण यांनी नोकरीच्या जबाबदाऱ्या सांभाळत Remote Sensing विषयातून M.Tech. पदवी यशस्वीरित्या संपादन केली. त्यांच्या या उल्लेखनीय शैक्षणिक यशाबद्दल मंडणगड नगरपंचायतीच्या वतीने त्यांचा विशेष गौरव करण्यात आला.
विक्रांत चव्हाण हे सिव्हिल इंजिनिअर असून, त्यांच्या कामाच्या माध्यमातून सहकाऱ्यांना मार्गदर्शन व सहकार्य करण्यासाठी ते नेहमीच तत्पर असतात. विशेषतः सिव्हिल इंजिनिअरिंगशी संबंधित कामांमध्ये त्यांनी दिलेले मार्गदर्शन अनेकांसाठी उपयुक्त ठरत असल्याचे सहकाऱ्यांनी सांगितले.
नोकरीची जबाबदारी सांभाळत पदव्युत्तर शिक्षण घेऊन Remote Sensing and GIS या विषयातून M.Tech. पदवी मिळवणे ही त्यांच्या मेहनतीची, चिकाटीची आणि शैक्षणिक प्रगतीची उल्लेखनीय बाब आहे. त्यांच्या या यशाबद्दल मंडणगड नगरपंचायतीच्या सहकाऱ्यांनी त्यांचे अभिनंदन करत पुढील वाटचालीसाठी शुभेच्छा दिल्या.
यावेळी सहकाऱ्यांच्या उपस्थितीत विक्रांत चव्हाण यांचा पुष्पगुच्छ देऊन सत्कार करण्यात आला. त्यांच्या यशामुळे कार्यक्षेत्रातील सहकाऱ्यांमध्ये आनंदाचे वातावरण निर्माण झाले.
“कर्तव्याबरोबर शिक्षणाची कास धरून यश संपादन करणाऱ्या विक्रांत चव्हाण यांचा आदर्श इतरांसाठी निश्चितच प्रेरणादायी आहे,” अशा भावना यावेळी व्यक्त करण्यात आल्या.