रत्नागिरी : हिंदुहृदयसम्राट, शिवसेनाप्रमुख सरसेनापती श्रीमान बाळासाहेब ठाकरे यांच्या जन्मशताब्दी महोत्सवी वर्षानिमित्त राज्यभर उत्साहात साजरा होत असलेल्या ‘भगवा सप्ताहा’च्या निमित्ताने रत्नागिरीत शिवसेना (उद्धव बाळासाहेब ठाकरे) पक्षाच्या संघटनात्मक शक्तीचे प्रभावी दर्शन घडले. शिवसेना नेते तथा माजी मंत्री मा. श्री. सुभाषजी देसाई साहेब आणि शिवसेना उपनेते श्री. विजयजी कदम साहेब यांच्या प्रमुख उपस्थितीत रत्नागिरी (दक्षिण) जिल्ह्यातील प्रमुख पदाधिकारी व कार्यकर्त्यांची जिल्हा कार्यकारिणी, संघटनात्मक संवाद आणि मार्गदर्शन बैठक उत्साहपूर्ण वातावरणात संपन्न झाली.
ही बैठक केवळ पदाधिकाऱ्यांची औपचारिक बैठक न राहता, आगामी काळातील पक्षाची दिशा निश्चित करणारा आणि तळागाळातील संघटनात्मक बांधणीला नवी ऊर्जा देणारा महत्त्वपूर्ण संवाद ठरली. शिवसेनाप्रमुख बाळासाहेब ठाकरे यांच्या विचारांचा वारसा अधिक ताकदीने पुढे नेताना ‘माझा महाराष्ट्र, भगवा महाराष्ट्र’ हे अभियान जिल्ह्यातील प्रत्येक गाव, वाडी-वस्ती आणि घराघरापर्यंत पोहोचविण्याचा निर्धार यावेळी करण्यात आला.**
सर्व स्तरांतील पदाधिकाऱ्यांची उपस्थिती
या बैठकीस रत्नागिरी जिल्हाप्रमुख श्री. दत्ताजी कदम, रत्नागिरी जिल्हा संपर्कप्रमुख श्री. सुरेशभाई कदम, माजी मंत्री श्री. रविंद्र माने, माजी आमदार श्री. गणपतदादा कदम, जिल्हा समन्वयक तथा उपजिल्हाप्रमुख श्री. रविंद्र डोळस, जिल्हा समन्वयक श्री. संजय पुनस्कर, जिल्हा संघटक श्री. संतोष थेराडे, लोकसभा महिला संपर्क संघटिका सौ. नेहा माने, जिल्हा महिला संघटिका सौ. वेदा फडके, ओबीसी सेल प्रमुख श्री. पांडुरंग उपळकर, विधानसभा क्षेत्रप्रमुख श्री. प्रमोद शेरे, विधानसभा संघटक श्री. रामचंद्र (तात्या) सरवणकर, युवासेना उपसचिव श्री. प्रदुमन माने, जिल्हा युवा अधिकारी श्री. प्रसाद सावंत, शिवसहकार जिल्हा संघटक श्री. चंद्रकांत शिंदे, शिवसहकार संपर्कप्रमुख श्री. सुधीर मोरे, तालुकाप्रमुख श्री. बळीराम गुजर, श्री. मयुरेश पाटील, श्री. बंड्या बोरुकर, श्री. युवराज हांदे, श्री. कमलाकर कदम, तालुकासंपर्कप्रमुख श्री. शांताराम चव्हाण, श्री. मुकुंद पड्याळ, श्री. मंगेश साळवी, श्री. अनिल भुवड, उपजिल्हा संघटिका सौ. सायली पवार, सौ. उल्का विश्वासराव, शहरप्रमुख श्री. प्रशांत साळुंखे, श्री. भैया कदम, श्री. संजय पवार, उपजिल्हा अधिकारी श्री. संतोष हातणकर, महिला तालुका संघटिका सौ. ममता जोशी, सौ. पूर्वा मुळ्ये, सौ. मेघा कदम, सौ. प्राची शिर्के, संपर्क संघटिका सौ. माधुरी मांजरेकर, सौ. समीक्षा सक्रे, सौ. दिक्षा आंब्रे यांच्यासह रत्नागिरी (दक्षिण) जिल्ह्यातील सर्व उपतालुकाप्रमुख, उपशहरप्रमुख, विभागप्रमुख, मुंबईतील पदाधिकारी, विविध अंगीकृत संघटनांचे पदाधिकारी तसेच नगरसेवक, जिल्हा परिषद सदस्य, पंचायत समिती सदस्य, विभागीय पदाधिकारी आणि प्रमुख कार्यकर्ते मोठ्या संख्येने उपस्थित होते.
