रायगड : रायगड जिल्ह्यात उष्णतेचा पारा वाढला असून जिल्ह्यात 41 अंशावर पोहचत आहे. याचा थेट परिणाम मोबाईल वर झाला आहे. रायगड जिल्ह्यात तळा तालुक्यातील आडनाळे या गावातील तरुण महेश नाक्ते हे घरात बसले असता दुपारी अचानक त्यांच्या जीन्स पॅन्टच्या खिशात ठेवलेल्या मोबाईलचा स्फोट झाला. या स्फोटात महेश नाक्ते यांनी घातलेली जीन्स पॅन्टचा पुढील खिसा पूर्णपणे जळून खाक झाला. या स्फोटामध्ये त्यांच्या डाव्या मांडीचा भाग व हाताची बोटे जळाली असल्याची घटना घडली आहे. या घटनेमुळे नागरिकांनी आपला मोबाईल खिशात न ठेवता सुरक्षित रित्या हाताळावा. असे आवाहन करण्यात येतेय.
