लोटे : – लवेल, ता. खेड येथील घरडा इन्स्टिट्यूट ऑफ टेक्नॉलॉजी अँड मॅनेजमेंट च्या संगणक अभियांत्रिकी विभागाच्या वतीने विद्यार्थ्यांसाठी ६ ते १२ ऑगस्ट २०२६ या कालावधीत आयोजित करण्यात आलेला सात दिवसीय ‘फूल स्टॅक जावा प्रशिक्षण’ कार्यक्रम यशस्वीरीत्या संपन्न झाला. हा प्रशिक्षण कार्यक्रम सीड इन्फोटेक यांच्या सहकार्याने आयोजित करण्यात आला होता.
या प्रशिक्षणासाठी सीड इन्फोटेकचे प्रशिक्षक श्री. ओंकार होळकर यांनी विद्यार्थ्यांना मार्गदर्शन केले. प्रशिक्षणादरम्यान विद्यार्थ्यांना संपूर्ण वेब अनुप्रयोग विकास, आधुनिक संकेतस्थळ निर्मिती, माहिती-संग्रहाशी जोडणी तसेच प्रत्यक्ष उपयोगातील अनुप्रयोगांची रचना व अंमलबजावणी याबाबत मार्गदर्शन करण्यात आले.
प्रशिक्षणामध्ये विद्यार्थ्यांना प्रत्यक्ष कृतीवर आधारित शिक्षण, प्रात्यक्षिके आणि प्रकल्पाधारित उपक्रमांद्वारे कामाचा अनुभव देण्यात आला. विविध उपक्रमांच्या माध्यमातून विद्यार्थ्यांना प्रत्यक्ष जीवनातील समस्या समजून घेऊन त्यावर तांत्रिक उपाय विकसित करण्याची संधी मिळाली.
यावेळी विभागप्रमुख डॉ. ज्योती खालकर यांनी सांगितले की, “आजच्या स्पर्धात्मक माहिती-तंत्रज्ञान क्षेत्रात केवळ अभ्यासक्रमातील ज्ञान पुरेसे नसून, विद्यार्थ्यांनी उद्योगाभिमुख कौशल्ये आणि व्यावहारिक ज्ञान आत्मसात करणे आवश्यक आहे. या सात दिवसीय प्रशिक्षणातून विद्यार्थ्यांना मिळालेले प्रत्यक्ष कामाचे ज्ञान त्यांच्या प्रकल्प, इंटर्नशिप आणि रोजगाराच्या संधीसाठी निश्चितच उपयुक्त ठरेल.”
या प्रशिक्षण कार्यक्रमाच्या आयोजनासाठी संस्थेचे व्यवस्थापन व प्राचार्य डॉ. प्रमोद पाटील यांचे मार्गदर्शन लाभले.