नवी दिल्ली : पत्नीने घरकाम न करणे याला पतीवर झालेली क्रूरता किंवा छळ म्हणता येणार नाही. बदलत्या काळानुसार पतीनेही स्वयंपाकात मदत करणे आवश्यक आहे. लग्न हे एका जीवनसाथीशी केले जाते. पत्नी म्हणजे मोलकरीण नाही, असे तोंडी निरीक्षण सर्वोच्च न्यायालयाचे न्यायमूर्ती संदीप मेहता यांनी कुरता कारणास्तव घटस्फोटाची मागणी करणाऱ्या खटल्यावरील सुनावणीवेळी नोंदवले. या प्रकरणी न्यायालयाने दोन्ही पक्षांना मध्यस्थीसाठी पाठवले होते, पुढील सुनावणीवेळी दोन्ही पक्षांनी स्वतः हजर राहावे, असे निर्देशही सर्वोच्च न्यायालयाने दिले.
