खेड (प्रतिनिधी) : – तालुक्यातील मुरडे – गोठलवाडी परिसरात गावठी बॉम्बचा स्फोट होऊन जखमी झालेल्या प्रणव प्रताप येसरे या १३ वर्षीय मुलाची प्रकृती स्थिर असल्याची माहिती प्राप्त झाली आहे. तालुक्यातील कळंबणी उपजिल्हा रुग्णालयात उपचार घेतल्यानंतर तो आता पुढील उपचार मिरज येथील रुग्णालयात घेत आहे. दरम्यान त्याच्या आजोबांचे वर्षश्राध्द शनिवारी ३० मे रोजी असल्याने तो शुक्रवारी २९ रोजी रात्री उशिरापर्यंत आपल्या मुरडे येथील निवासस्थानी दाखल होणार आहे. या घटनेचा खेड पोलीस तपास करीत असून पोलिसांनी अज्ञाताविरोधात गुन्हा दाखल केला आहे.
